Маълум қиламизки, жорий йилнинг 7 январь куни, соат тахминан 15:00 ларда Тошкент шаҳрининг Юнусобод тумани Янги шаҳар кўчаси бўйлаб 1976 йилда туғилган, кучли даражадаги маст ҳолатида бўлган, фуқаро А.А. бошқарувидаги “Malibu” автотранспорти, шу ерда хизмат ўтаётган ЙҲХ ходимларининг қонуний талабларига бўйсунмасдан, ўзгаларнинг ҳаёти ва соғлиғига хавф солган ҳолда қочишга уринган.
Ходимлар, ҳайдовчининг ноқонуний ҳаракатлари оқибатида юзага келиши мумкин бўлган оғир оқибатларни олдини олиш мақсадида, белгиланган тартибда ўқ-отар қуролини қўллаганлар.
“Оқибатда автотранспорт воситаси мажбурий тўхтатилиб, ҳайдовчи зарарсизлантирилган. Қурол қўлланилиши натижасида ҳеч ким жароҳатланмаган”, дейилади хабарда.
Ҳозирда, мазкур ҳолат юзасидан Юнусобод тумани прокуратураси томонидан Ўзбекистон Республикаси Жиноят кодексининг 219-моддаси (Ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилиб, тергов ҳаракатлари олиб борилмоқда.
ИИВ Ахборот хизмати.
Тасодифий хабарлар
Шифокорлар коронавирус Россияга Ўзбекистондан кириб келади, дея ҳавотирланишмоқда
"Сохта Юлдуз Усмонова" қай тарзда алдов қурбони бўлганини сўзлаб берди
Пластик картадан пул “ухлатганлик” учун жазо кучайтирилмоқда
«Tashkent city»га кириш учун тўлов бекор қилинди
Россия беш давлат фуқароларини Афғонистондан эвакуация қилди