Ўқувчиларга бепул тушлик бериш учун пул ажратилади

Президент Шавкат Мирзиёев Хоразмдаги умумтаълим мактабларида бошланғич синф ўқувчиларига бепул тушлик берилишини маълум қилган эди. Вилоят ҳокими Фарҳод Эрманов вилоят аҳолисига қилган мурожаатида ушбу мақсад учун қанча маблағ ажратилишини айтиб ўтди.

— 2022 йил 1 январдан бошлаб умумтаълим мактабларида ўқувчиларнинг ҳар томонлама баркамол бўлиб вояга етишларини таъминлаш мақсадида 1-4 бошланғич синф ўқувчилари учун, бепул тушлик бериш йўлга қўйилади. Ушбу мақсадларга 100 млрд. сўм маблағ ажратилади, — деди Фарҳод Эрманов.