Ижтимоий тармоқларда Қашқадарё вилоятининг Чироқчи туманидаши қишлоқда ер ости ёнаётгани ҳақида видео ва суратлар тарқалди. Вилоят Экология бошқармаси Матбуот хизмати мазкур ҳолат юзасидан расмий маълумот берди.
Қайд этилишича, Чироқчи туман “Янги қурилиш” МФЙ Хўжа Абдужаббор қишлоғи ҳудудидаги ердан чиқаётган тутун Чироқчи туман назорат инспекцияси инспекторлари, туман фавқулодда вазиятлар бўлими, "Ҳудудгаз таъминот" туман филиали ходимлари томонидан ўрганилган. Ўрганиш жараёнида тахминан 0,10 гектар ер майдон аввал ёниб ўчганлиги ва ҳозирда кунда тахминан 0,01 гектар ер майдони устидан тутун чиқиб атрофга бадбўй ҳид тарқалаётганлиги кузатилган.
Ўрганиш давомида ушбу қишлоқда яшовчи оқсоқоллар бу жой тахминан 50-70 йиллар олдин чуқурлик жой бўлиб, қамишзор бўлгани ва йиллар ўтиб қамишлар устига тупроқ ёпилиб кетганини таъкидланган.
Ушбу ҳолат бўйича Геология соҳаси мутахассисларининг ўрганиш ўтказиб хулосалари тақдим қилингунга қадар, дастлабки хулоса ер остидаги қолиб кетган қамишлар қизиши ва чириши натижасида ушбу ҳолат юзага келган деган дастлабки хулосага келинган.
"Ҳолатни ўрганиш ишлари давом этмоқда, ўрганиш якунлари бўйича батафсил маълумотларни тақдим этамиз", дейилади расмий хабарда.
Тасодифий хабарлар
Самарқандда қиппа-яланғоч «сайр»га чиққан эркакларга суд ҳукми ўқилди
Нега Ўзбекистон Қозоғистондан электр энергиясини сотиб олмоқда – эксперт фикри
Бугунги ғалаба Ўзбекистонни деярли Жаҳон чемпионатига олиб чиқади
2 ёшли ўғлини 2500 долларга сотмоқчи бўлган аёл қўлга олинди
Ўзбекистон захиралари рекорд миқдори – 37,4 млрд долларга етди