АҚШнинг собиқ Президенти Дональд Трамп давлат раҳбари сифатидаги тўрт йўллик фаолияти ҳақида мемуар ёзмоқда. Бу ҳақда у “Newsmax TV” каналига берган интервьюсида айтиб ўтган.
“Ҳа, мен уларни (хотираларимни) ёзяпман. Кўрасиз бу жуда кучли нарса бўлади”, дейди у журналистнинг саволларига жавоб берар экан.
Шунингдек, Трамп ўзининг бўлажак китоби нашриётларда катта қизиқиш ўйғотганини қўшимча қилиб ўтган. Бироқ, АҚШнинг 45-Президенти китобини нашр этиш муддатини ҳамда унда ёритилиши мумкин бўлган мавзу ҳақида фикр билдирмаган.
Маълумот ўрнида, Трамп 2017 йилдан 2021 йилгача АҚШ Президенти лавозимида фаолият юритган. У ҳаёти давомида ўндан ортиқ китобларни чоп этган. Улардан энг машҳури журналист Тони Шварц билан ҳаммуаллифликдаги "The Art of the Deal" китоби. Нашр қилинганидан кейин у 1 миллион нусхадан кўпроқ сотилган ва “The New York Times bestseller”лари рўйхатида уч ойдан кўпроқ вақт давомида турган.
Тасодифий хабарлар
Коронавирус юқтиришлар сони яна кўпайиб бормоқда
Наманганда келинини урган қайнотага нисбатан жиноий иш қўзғатилди
Ўзбекистонда аҳолининг асосий қисми фақат ойликка кун кўряпти
Қозоғистон фаластинликларга ёрдам учун 1 млн доллар ажратади
Колонияда бир маҳкум иккинчисини чув туширди