Бугун, 30 ноябрь куни ижтимоий тармоқларда Қамчиқ довонида “балиқ ёмғири” бўлибди, деган хабарлар тарқалди. “Қамчиқавтойўл” ИЙФУК довондаги ҳолатга муносабат билдирди.
Маълум бўлишича, мазкур ҳодиса жорий йилнинг 26 ноябрь куни соат 16:30 лар атрофида A-373 “Тошкент-Ўш” автомобиль йўлининг 227 км. қисмида содир бўлган.
Довон йўлида ҳаракатланиб кетаётган хорижий корхонага тегишли 40 N 000071 давлат рақамли енгил автомашина юкхонасига жойлаштирилган елим идишда боқиш учун етиштирилган балиқ чавоқлари олиб кетаётган вақтда ҳаракат хавфсизлигини таъминлай олмасдан олдида кетаётган юк автомашинасига бориб урилган. Оқибатда енгил автомашинага жойлаштирилган елим идиш ёрилиб, ичидаги балиқлар йўлга сочилиб кетган.
Мазкур транспорт ҳодисасида ҳеч ким жабрланмаган. Йўлга сочилиб кетган балиқ чавоқларнинг асосий қисми нобуд бўлмасдан йиғиштириб олинган.
Тасодифий хабарлар
Расул Кушербаев: "Фарзандларим, яқинларимга жабр етиб қолишидан қўрқаман" (ВИДЕО)
Benzin, elektr va gaz narxi baribir oshadigan bo‘ldi
8 ойда 300дан ортиқ шахс қўлга олинди
Ўзбекистонда коронавирусдан ўлганлар жасади куйдириладими?
Шоҳимардонга киришда жойлашган “Оқ-қия” божхона пункти туну кун ишлаш режимига ўтди