ДХХ Ўзбекистон чегарасини бузган афғонистонликни қўлга олди

Давлат хавфсизлик хизмати ҳамда чегара қўшинлари томонидан Ўзбекистон ҳудудига Амударё орқали ўтган Афғонистон фуқароси қўлга олинди. Бу ҳақда “Ўзбекистон 24” телеканалида хабар берилди.

Таъкидланишича, мазкур шахс Давлат хавфсизлик хизматининг Сурхондарё вилояти бошқармаси ходимлари ва чегара қўшинлари ҳарбий хизматчилари томонидан ушланган. Қўлга олинган афғонистонликнинг ёнида 9 кг 84 гр “опий” гиёҳванд моддаси борлиги аниқланган.