Президент Зоминдаги ўрмон ёнғинини ким содир этганини маълум қилди

Шавкат Мирзиёев Зоминдаги ўрмон ёнғинини “бойваччанинг ўғли” содир этганини маълум қилди.

Кеча, 24 август куни Ўзбекистон президенти Шавкат Мирзиёев раислигида экология муаммоларига бағишланган видеоселектор йиғилиши вақтида Зоминда рўй берган ёнғинга тўхтатилиб ўтди.

“Мен ўзим қишлоққа бориб қаттиқ ўйга толаман, Зоминда ёнғин бўлди, бир бойваччанинг ўғли шу ишни қилибди”, – дейди Мирзиёев.

Шавкат Мирзиёев Зоминдаги ёнғин келиб чиқиши билан прокуратура шуғулланаётганини ва чора кўрилишини маълум қилган.

Таъкидлаб ўтиш жоиз, 8 август куни Жиззах вилояти Зомин миллий табиат боғида ёнғин юзага келган ва ёнғин натижасида 10 сотих майдон ёниб зарарланган.