Кеча, 17 июнь куни Ўзбекистон Президенти Шавкат Мирзиёев Андижон вилояти Бош жоме масжидини бориб кўрди.
Бу жойда илк масжид 1870 йилда тикланган. Ҳозирги масжид қурилиши 2018 йилда бошланиб, шу йил май ойида якунланди.
Янги бино қадимий чор айвон ва чор дарвоза услубида барпо этилган. Унинг икки четида баландлиги 54 метрлик миноралар, асосий бинонинг тепа қисмида диаметри 18 метрли гумбаз қурилган.
Илгари масжид сиғими 5 минг кишини ташкил қилган бўлса, энди бино 15 мингдан ортиқ намозхонни ўз ичига сиғдира олади.
Қуръон оятларидан тиловат этилиб, дуо қилинди.
- Бу даргоҳни барпо этишга ҳисса қўшган муҳандислар, қурувчи ва безакчилар, ҳомийларга миннатдорчилик билдираман. Масжид Андижон халқига муборак бўлсин, узоқ йиллар халқимизга хизмат қилсин, - деди Шавкат Мирзиёев.
Шу ерда уламо ва имом-хатиблар билан мулоқот бўлди.
- Ҳамма жойларда муқаддас зиёратгоҳларни обод қилиш, янги масжид ва маърифат марказлари қуришга эътибор қаратяпмиз. Бундай хайрли ишларни давом эттирамиз. Мўмин-мусулмонлар бу ерга келиб, ибодатларни эмин-эркин бажариб, шукроналик билан халқимизни дуолар қилса, нур устига нур, - деди давлатимиз раҳбари.
Тасодифий хабарлар
Шавкат Мирзиёев Эронда содир бўлган воқеа муносабати билан ҳамдардлик билдирди
«Абу Сахий» бозори ёпилди, бозорда вирусга чалинганлар аниқланган
Apple iPhone 13 учун iPad ишлаб чиқаришни қисқартирди
Ўзбекистонда коронавирусга қарши курашиш учун кореялик мутахассис иш бошлади
Юлдуз Усмонованинг ҳаётига қасд қилишлари мумкин