Ўзбекистонда ноқонуний бойиганлик учун жавобгарлик белгиланмоқда

Бош прокуратура томонидан эълон қилинган Жиноят кодексининг янги таҳрирдаги лойиҳасида давлат хизматчисининг ноқонуний бойиши учун жавобгарлик белгиланмоқда.

Лойиҳага кўра, давлат хизматчисининг даромад ва мол-мулк декларациясида назарда тутилганидан ортиқ пул маблағлари ёки мол-мулкка ноқонуний эга бўлиши ёки шундай мулкни орттириши анча миқдорда содир этилган бўлса, базавий ҳисоблаш миқдорининг юз бараваридан икки юз бараваригача жарима ёки уч йилгача иш ҳақидан ушлаб қолиш билан жазоланади.