AQŞdagi ayollar qamoqxonalarida sönggi beş yilda xodimlar 185 dan ortiq marta jinsiy zöravonlik qilgani qayd etildi. Bu haqda amerikalik ProPablika va «Marşall prodjekt» naşrlari birgalikda ötkazgan suriştiruv natijalarida aytilgan.
Jurnalistlar töplagan maʼlumotlarga köra, 16 ta qamoqxonada 96 nafardan ortiq mahbus jabrlangan. Holatlar bitta muassasada emas, mamlakatning turli jazoni ijro etiş joylarida kuzatilgan. Bu muammo alohida xodimlarning xatti-harakati bilan çeklanmayotganini körsatadi.
Javobgarlikka tortilganlar juda oz
Eng eʼtiborli jihat şuki, gumonlanuvçilardan faqat 19 nafari hibsga olingan yoki sudlangan. Yaʼni jabrlanganlar soni va qayd etilgan holatlar soniga nisbatan jazolanganlar keskin kam. Ayollar öz huquqini himoya qiliş imkoniyatidan deyarli mahrum bölayotgani ana şundan bilinadi.
Qamoqxonada mahbus xodimga töliq qaram böladi. Şu sababli bunday holatlar haqida gapiriş ham oson keçmaydi.
Şikoyat qilganlarga tahdid
Suriştiruvda yana bir taşvişli holat aniqlangan. Ayrim xodimlar mahbuslarga oziq-ovqat va tibbiy yordam berişdan boş tortgan. Şikoyat qilişga uringanlarni esa jazolaş bilan qörqitgan.
Bunday bosim jabrlanganlarni jim turişga majbur qiladi. Şuning uçun rasman qayd etilgan raqamlar haqiqiy ahvolni töliq aks ettirmasligi mumkin.
Islohot vaʼdasi amalga oşmadimi
2021 yilda Dublin qamoqxonasida şunga öxşaş holatlar oşkor bölganidan keyin tizimni özgartiriş vaʼda qilingan edi. Lekin suriştiruvni olib borgan jurnalistlarning taʼkidlaşiça, oradan bu qadar vaqt ötsa-da, sezilarli özgarişlar yuz bermagan.
Şu tariqa ayollar qamoqxonalaridagi zöravonlik masalasi AQŞda hamon dolzarbligiça qolmoqda. Vaʼda qilingan islohotlar qançalik jiddiy amalga oşirilişi endi jamoatçilik va ommaviy axborot vositalari nazoratida böladi.









