Mobiuz operatori AQŞ kompaniyasiga sotildi

Mobiuz operatori AQŞ kompaniyasiga sotildi

“Universal Mobile Systems” MÇJ (MobiUz) ustav kapitalidagi 100 foiz davlat uluşini sotiş böyiça ötkazilgan xalqaro oçiq savdo jarayonlari muvaffaqiyatli yakunlandi va kompaniya rasman sotildi. Bu haqda Davlat aktivlarini boşqariş agentligi xabar berdi.


Maʼlum qilinişiça, xususiylaştiriş jarayoni natijasida ğolib deb AQŞning “McKim and Company” kompaniyasi boşçiligidagi moliyaviy investorlar va texnologik hamkor “JVR Enterprises LLC” (DBA — “JVR Capital Group”) iştirokidagi konsortsium eʼlon qilingan.

Uşbu taklifga köra, “MobiUz” kompaniyasining qiymati 351 mln AQŞ dollari darajasida baholangan. Şuningdek, telekommunikatsiya infratuzilmasini rivojlantiriş uçun 500 mln AQŞ dollarigaça investitsiya kiritiş rejalaştirilgan.

Jarayon xalqaro moliyaviy konsultantlar iştirokida taşkil etilgan. Unda “Rothschild & Co” strategik konsultant, “KPMG” moliyaviy konsultant va “Deloitte” mustaqil baholovçi sifatida iştirok etdi.

Savdo jarayoniga AQŞ, Yaponiya, Yevropa, Fors körfazi davlatlari va Kavkazorti mintaqasidan 15 dan ortiq investor qatnaşgan. Ularning orasidan 6 nafar iştirokçi tomonidan majburiy takliflar (Binding Offer) taqdim etilgan.

Davlat aktivlari agentligiga köra, jarayon xalqaro standartlarga muvofiq tarzda ötkazilgan va eng yuqori iqtisodiy samaradorlikni taʼminlovçi taklif tanlab olingan.

Bitimni töliq yakunlaş uçun tegişli tartibga soluvçi organlardan ruxsat oliş hamda korporativ va huquqiy jarayonlarni yakunlaş talab etiladi.


Teglar:
×