Август ойи бошида Ерга футбол майдони катталигида бўлган 2009 PQ1 астероиди яқинлашади. Унинг тезлиги сониясига 13,4 километр.
ТОШКЕНТ, 27 июл — Sputnik. Футбол майдони катталигида бўлган 2009 PQ1 астероиди август ойи бошида Ерга максимал даражада яқинлашади. Бу ҳақда АҚШ миллий аэронавтика ва космик тадқиқотлар бошқармасининг (NASA) бўлинмаси маълум қилди.
Таъкидланишича, самовий жисмнинг диаметри 84 метрдан 190 метргача. Астероид 5 август куни Ердан 3,2 миллион километр масофада сониясига 13,4 километр тезликда учиб ўтади.
Астероид 2009 йил 14 августда аниқланган. У “Аполлонлар” гуруҳига тегишли бўлиб, унинг парвоз йўли Ер орбитасини кесиб ўтади. Кейинги сафар 2009 PQ1 астероиди 2137 йилда Ерга яқинлашади.
Эслатиб ўтамиз, 29 апрелда диаметри тўрт километргача бўлган № 52768 (1998 OR2) астероид Ер яқинидан ўчиб ўтганди.
Тасодифий хабарлар
Ўзбекистонда йил бошидан буён нечта ажрим ҳолатлари қайд этилган?
Мактабларда 4-чорак қачондан бошланиши маълум бўлди
Рамзан Қодировнинг заҳарлангани айтилмоқда
Самарқандда можаро: ИИБ ходимлари аёлларни зўрлаб машинага тиқмоқда (видео)
Янгиликлар жуда кўпайиб кетди, аммо...