Аҳолига тегишли автомашиналар сони маълум қилинди

Жисмоний шахсларга тегишли автотранспорт воситаларининг сони тўғрисида маълумот тақдим этилди.

Миллий статистика қўмитаси маълумотларига кўра, 2025 йилнинг 1 апрел ҳолатига Ўзбекистон Республикасида жисмоний шахсларга тегишли 4 522,1 мингта автотранспорт воситалари рўйхатга олинган.

Уларнинг асосий қисмини енгил автомобиллар (жамига нисбатан улуши 93 фоиз) ташкил этади.

2025 йилнинг дастлабки уч ойи давомида автомобиллар сони 79,8 мингтага ошган.

2025 йилнинг 1 апрел ҳолатига жисмоний шахсларга тегишли автотранспорт воситаларининг турлари бўйича сони қуйидагича:

• енгил автомобиллар – 4 207,6 минг дона;
• юк автомобиллари – 293,3 минг дона;
• микроавтобуслар – 7,7 минг дона;
• махсус транспорт воситалари – 7,4 минг дона;
• автобуслар – 6,1 минг дона.