АҚШ ва Афғонистонниннг ҳукмрон “Толибон” ҳаракати вакиллари Қатар пойтахти Доҳада икки кунлик музокаралар учун йиғилди. АҚШ Давлат департаменти 1-август, душанба куни учрашувнинг биринчи раунди якунланганидан сўнг Вашингтон "Толибон" билан иқтисодий барқарорлик ҳамда наркотик моддалар савдосига қарши кураш бўйича кейинги техник музокаралар учун очиқлигини билдирди. Давлат департаменти Афғонистондаги молиявий аҳвол яхшиланганини, жумладан, инфляция даражасининг пасайишини, шунингдек, 2022 йилга қадар тақиқ доирасида кўкнори етиштиришнинг қисқаришини юқори баҳолади ва гиёҳвандликка қарши курашда ҳамкорликни давом эттиришга тайёрлигини билдирди.
Шу билан бирга, АҚШ Афғонистонда инсон ҳуқуқлари билан боғлиқ вазият ёмонлашганидан хавотир билдирди ва "Толибон"ни қизларнинг ўрта таълим олишига қўйилган тақиқни бекор қилишга, аёлларнинг касбга киришига рухсат беришга ва ҳибсга олинган америкаликларни озод қилишга чақирди.
Толибон талаб қилмоқда
Ўз навбатида, "Толибон" етакчиларига қўйилган саёҳат тақиқлари ва бошқа чекловларни олиб ташлаш ва Афғонистон марказий банкининг хорижий активларини қайтаришга чақирди, деди Кобул ҳукумати.
“Афғонистон Ислом Амирлиги Толибон етакчиларининг саёҳатга қўйилган тақиқнинг бекор қилиниши ва марказий банк захираларининг қайтарилиши “афғонлар ўз иқтисодиётини ташқи ёрдамга қарам бўлмасдан ривожлантира олиши учун” ишончни мустаҳкамлаш учун муҳим эканлигини яна бир бор таъкидлади”, дейди Афғонистон Ташқи ишлар вазирлиги вакили.
Аксарият "Толибон" етакчилари Бирлашган Миллатлар Ташкилотидан саёҳат рухсатномасини олишлари керак. Афғонистоннинг банк сектори "Толибон" ҳокимиятга қайтганидан сўнг санкциялар туфайли фалаж бўлди, Афғонистон Марказий банкининг 7 миллиард доллар миқдоридаги хорижий активлари Нью-Йоркдаги Федерал захира банкида музлатиб қўйилди. Ҳозир бу маблағларнинг ярми Швейцариядаги штаб-квартирасида жойлашган Афғонистон жамғармасида сақланади.
Тасодифий хабарлар
Ташқи ишлар вазирининг биринчи ўринбосари элчи бўлиши кутилмоқда
“Жавоб умуман бошқача бўлиши мумкин”. Путин АҚШ ва НАТОни огоҳлантирди
“Узр, ўғлингизни кислотада эритиб юбордик”. Мафия адашиб ўлдирган қурбонининг ота-онасига товон пули таклиф қилди
Коронавирусга қарши курашда ёрдамлашиш учун 40 нафар россиялик шифокор Ўзбекистонга келяпти
Ўзбекистон 1 млрд доллар қарз олмоқчи