Автотранспорт ойналари тусини ўзгартиришга рухсатнома муддатини узайтириш эсингиздан чиқмасин.
Ўтган йилнинг 1 июлидан арзонлаштирилган «тонировка» учун рухсатномани my.gov.uz орқали ҳеч қандай навбатларсиз онлайн расмийлаштириш бошланганди.
Ўша вақтда расмийлаштирилган рухсатномаларнинг амал қилиш муддати ҳозирда якунига етмоқда. «Тонировка»га рухсатнома муддатини my.gov.uz орқали ўз вақтида узайтиришни унутманг, дейилади Ягона портал хабарида.
Шунингдек, рухсатномани кўча-кўйда пул эвазига расмийлаштираман деб, шахсий маълумотларни фирибгарлар қўлига топшириб қўймаслик, уни онлайн расмийлаштириш ҳақида ҳам эслатиб ўтилган. Қолаверса, онлайн расмийлаштиришда 10 фоизлик чегирма ҳам бор.
«Аслида бу сиз ўйлагандан осон, қулай ва ишончли!», дея видеоқўлланма тақдим этилган хабарда.
Тасодифий хабарлар
Келаси ҳафтадан Ўзбекистонда аҳолидан тест олиниши режалаштирилмоқда
Илон Маск рекорд даражада бойиб бормоқда
Ижтимоий тармоқда "Қашқадарё ЙПХ ходимларига онадан сўкиниш мумкинми?" сарлавҳаси остида тарқалган видео юзасидан маълумот
Янги Наманган туманига янги ҳоким сайланди
Криштиану Роналдунинг ўғли вафот этди