Prezident maslahatchisi o‘rinbosari Farhod Mahmudov Prezident administratsiyasi rahbariga o‘rinbosar etib tayinlandi. Bu haqda “Kun.uz” manbasi xabar bermoqda. U endi Zaynilobiddin Nizomiddinovga OAV masalalari bo‘yicha o‘rinbosarlik qiladi.
Muqaddam O‘zMTRK “O‘zbekiston 24” telekanali bosh muharriri lavozimida ishlagan Farhod Mahmudov 2018-yil sentabrida Ommaviy axborot vositalari, ma’naviyat va ma’rifat, madaniyat, san’at va ijodiy tashkilotlarni rivojlantirish masalalari xizmati bo‘yicha Prezident maslahatchisiga o‘rinbosar etib tayinlangan edi.
Farhod Mahmudov 1973-yil Toshkent viloyati Chinoz tumanida tug‘ilgan. U 1996-yil Toshkent davlat universitetini tamomlagan. Ma’lumoti bo‘yicha mutaxassisligi jurnalist. 2008-yil “Mehnat shuhrati” ordeni, 2018-yilda “O‘zbekistonda xizmat ko‘rsatgan jurnalist” faxriy unvoni bilan taqdirlangan.
Farhod Mahmudov 1995-yildan buyon O‘zMTRK tizimida turli lavozimlarda faoliyat ko‘rsatgan.
Тасодифий хабарлар
ДХХ Наманганда салкам 3 кг наркотик моддаларни тўхтатиб қолди
Қашқадарёда аёл эрини ўлдириб қўйди
"Nexia"ни олиб қочган 25 ёшли қиз қўлга олинди
Тезкор! Бугундан Шаҳрисабз шаҳрига кириш ва чиқиш тақиқланади
Бухоро Соғлиқни сақлаш бошқармаси девонхона мудираси пора билан ушланди