Oʻzbekistonda yangi modeldagi avtomobillar ishlab chiqarishga 2,1 trln soʻm ajratiladi

Asakada avtomobillarning yangi modellarini ishlab chiqarishni tashkil etish uchun Vazirlar Mahkamasining qaroriga binoan 2,1 trillion soʻm sarflanadi, deb xabar bermoqda Daryo nashri.

Hujjatda Andijon viloyatida rejalashtirilayotgan 553 ta investitsiya loyihalari roʻyxati tasdiqlangan. Yangi modeldagi avtomobillarni ishlab chiqarish ularning orasida eng yirigidir.

Bunga korxona mablagʻlaridan 637 milliard soʻm, tashqi kredit hisobiga 91 milliard soʻm, xorijiy investitsiyalar hisobiga 85 milliard soʻm yoʻnaltirilishi rejalashtirilgan.

Loyihani amalga oshirish natijasida 800 ta yangi ish oʻrinlari yaratilishi kutilmoqda. Ishga tushirish 2022-yilning martiga moʻljallangan. Bundan tashqari, Asakada avtomobillarga butlovchi qismlar ishlab chiqarishni kengaytirish boʻyicha 20 ta loyiha amalga oshiriladi.