“UzAuto Motors" бу сафар ҳам судда яна ғолиб бўлди

“UzAuto Motors" бу сафар ҳам судда ғолиб бўлди, Антимонополия қўмитасининг шикояти қаноатлантирилмади

Тошкент шаҳар маъмурий суди апелляция инстанциясида “UzAuto Motors” АЖ ҳамда Монополияга қарши курашиш қўмитаси ўртасидаги масала бугун мазмунан кўриб чиқилди. Бу ҳақда Олий суд матбуот хизмати хабар бермоқда.

Апелляция судлов ҳайъатининг қарорига кўра, биринчи инстанция судининг 2020 йил 30 октябрдаги ҳал қилув қарори ва хусусий ажрими ўзгаришсиз, Монополияга қарши курашиш қўмитасининг апелляция шикояти қаноатлантирилмасдан қолдирилди.

Шунингдек, ишни кўришда тараф сифатида “Azimavtomotive” МЧЖ ва истеъмолчиларни учинчи шахс сифатида жалб этиш тўғрисидаги илтимоснома рад этилди.