Наманганлик фуқарони Умра сафарига жўнатишни ваъда қилган фуқарога жиноий иш қўзғатилди

Шу йил 15 октябрь куни Наманган шаҳрида яшовчи фуқаро ИИБга ариза билан мурожаат қилиб, унда шу йил февраль ойида Наманган шаҳридаги авиакассалардан бирида ишловчи шахс унинг ишончига кириб, ўзини ва ота-онаси ҳамда турмуш ўртоғини “Умра хаж сафарига” юборишини айтиб, 12.950 АҚШ долларини олиб, ҳозирги кунга қадар алдаб келаётганлигини маълум қилиб, чора кўришни сўраган.

Ҳозирда ушбу ҳолат бўйича шаҳар ИИО ФМБ ТБ томонидан Ўз.Р ЖКнинг 168-моддаси 3-қисми билан жиноят иши қўзғатилган.

Бу ҳақида Namanganlik.uz га Наманган вилояти ИИБ Ахборот хизмати хабар бермоқда.