Turkiyada “Çuqur” seriali yulduzi qölga olindi

Turkiyada “Çuqur” seriali yulduzi qölga olindi

Turkiyaning Bakirköy tumani prokuraturasi giyohvandlik vositalarining noqonuniy aylanmasi böyiça 18 kişini uşlab turiş haqida qaror çiqardi. Bu haqda mahkama matbuot xizmatiga tayanib, TRT Haber xabar berdi.

Qayd etilişiça, xabar eʼlon qilingan vaqtga kelib politsiyaçilar 15 kişini uşlagan. Ular orasida özbekistonlik tomoşabinlarga “Muhtaşam yuz yil” va “Çuqur” seriallari orqali taniş bölgan aktyor Aras Bulut Iynemli ham bor.

Nazorat organi maʼlumotlariga köra, bugun, 18 sentyabr kuni Istanbul jandarmeriyasiga iş böyiça gumonlanuvçilarga – aktyorlar, xonandalar, tadbirkorlar, köngiloçar maskanlar egalari va blogerlarga nisbatan qölga oliş, tintuv va biologik ekspertizalar ötkaziş topşirilgan. Şundan söng, ular körsatma beriş uçun prokuraturaga olib borilişi zarur.


Maʼlumot uçun, Aras Bulut Iynemli – taniqli turk aktyori. U “7-bölmadagi möʼjiza” filmi, şuningdek “Çuqur” va “Muhtaşam yuz yil” seriallari orqali dunyoga maşhur bölgan.

Iynemlidan taşqari, gumonlanuvçilar röyxatiga aktrisa Melis Sezen, sobiq futbolçi Hasan Şaş va reper Sefo (Seyfullah Sağir) ham kiritilgan. Avvalroq, uşbu tergov doirasida xonandalar Sila Gençöğli va Ilyos Yolçintoş, şuningdek prodyuser Fotih Aksoyning xonadonida tintuv ötkazilgan. Ulardan biologik namunalar olingan, Yolçintoşning özi esa keyinçalik işning boşqa uç nafar figuranti bilan birga hibsga olingan.

“Hürriyet” naşrining yozişiça, işda aktrisalar Afra Saraçöğli va Nilpari Şahinkaya, şuningdek jurnalist Yağiz Sabunjuöğli ham iştirok etmoqda.


Teglar:
×