2020

Yangi Yil kirib kelmoqda!!!

«Мақсад фойда келтиришми ёки халқни соғин сигирдек соғишми?»

Ҳуқуқшунос Хушнудбек Худойбердиевнинг телефонларнинг IMEI-кодларини рўйхатдан ўтказиш тизими ҳақида ўз мулоҳазаларини билдирди.

Айрим ислоҳотларни кўриб, мақсад фойда келтириш эмас, балки халқни соғин сигирдек соғишмикан, деб ўйланиб қолади одам.

Масалан, телефонларнинг IMEI-кодларини рўйхатдан ўтказиш тизимидан балки эзгу мақсадлар кўзлангандир, аммо уни амалга ошириш тартиби халқни қийнашдан нарига ўтмади. Жумладан:

Биринчидан, барча мобил қурилмаларни автоматик рўйхатдан ўтказиш учун жуда қисқа вақт берилди. Гарчи ҳамма ёқда 1 апрелдан 1 ноябргача дейилган бўлса-да, лекин аслида IMEI-кодларни рўйхатга олиш тартибини Вазирлар Маҳкамаси 17 сентябрда тасдиқлади. Яъни 1 ноябрь деган муддат халққа салкам октябрда маълум бўлди. ОАВларда асосий тарғиботлар ҳам октябрдан бошланди.

Бу дегани, халққа ишлатилмаётган телефони ёки иккинчи сим-картасини автоматик рўйхатдан ўтказиш учун тахминан 1 ой вақт берилди. Бу ноинсофлик!!!

Иккинчидан, 1 ноябрдан ариза орқали рўйхатдан ўтишда жуда кўплаб муаммолар пайдо бўлмоқда. Айниқса, 2 та сим-картали телефон ишлатадиган жуда кўпчилик янгиликлардан кеч хабар топганининг эвазига (тайинли тарғибот ҳам қилишмади) ҳозир боши қотган.

Сабаби 1 ноябрдан кейин иккинчи слотни рўйхатдан ўтказиб бўлмаяпти, гарчи 1та IMEI-код базада бўлса ҳам, рад жавоби келмоқда. Рўйхатдан ўтиш учун хорижга чиқиб келиш керак эмиш. “Ҳеч бўлмаса Қозоғистонга чиқиб келинг, кейин рўйхатдан ўтказамиз” дейишмоқда.

Бу нима аҳмоқгарчилик? Нега бу ҳақида аввал огоҳлантирилмаган?

Учинчидан, рўйхатдан ўтказиш рад этилаётганига сабаб — божхонани четлаб ўтиб, яширин йўллар билан олиб кирилгани бўлса, унда нега бунинг жабрини халқ тортиши керак?

Чегарачилар, божхоначилар ёки яширин йўлларга шароит яратиб берган коррупсионерларга ҳеч нарса бўлмасдан, яна оддий халқ сарсон бўлиши керакми?

Ахир ўша телефонларни пешона тери билан топган пулларига расмий ишлаб турган дўконлардан сотиб олишган-ку. Нега шунча пайт дўконларда ноқонуний телефонларни сотишга йўл қўйганлар жазоланмасдан, жабрдийда халқ товон тўлаши керак?

Нима учун??? Нима учун???

Тўртинчидан, хўп, бўлар иш бўлди, дейлик. Энди нима қилиш керак? Муаммони ечиш учун бирор қонуний ечим борми? Минглаб фуқаролар рўйхатдан ўтказиш учун хорижга чиқиб кела олмайди барибир. Халққа безбетларча “четга чиқиб келинг, йўқса иложи йўқ” демасдан бирор ечим бермайсизларми?

Бешинчидан, биламизки 1 декабрдан рўйхатдан ўтказиш пуллик бўлади. Майли, текин бўлсин демайман, аммо нега нарх бунчалик қиммат? Бирор асоси борми? Шунчаки 1та кодни тармоққа киритиб қўйиш учун 44 минг 600 сўм олишга уялмайсизларми?

Боз устига, агар телефон 2та сим-картали бўлса, унда ҳар бири учун алоҳида тўлов қилинади, демак 89 минг сўм бўляпти. 30 кундан ўтиб рўйхатга олинса, 110 минг сўм бўлади. Нега 10 минг сўм эмас, нега 20 минг сўм эмас? Халқни жуда бооооооой деб ўйлайсизлар шекилли? Пуллари ошиб-тошиб кетяпти, қаерга қўйишни билмаяпти, дея тасаввур қиласизларми?

Халқ тўлаётган солиқлар қаёққа кетяпти унда? Бу тизимдан мақсад халққа фойда бўлиш дейишмоқда, ахир фойдали тизимлар ишлаб чиқиш давлатнинг мажбурияти эмасми? Бизнинг солиқларни шунинг учун оляпсизлар-ку. Халққа икки марта солиқ солиш (ва қиммат солиқ) инсофсизлик ахир!

Халқ соғин сигир эмас, шуни унутиб қўймайлик, илтимооооос…

Ноябрь ойи деярли тугади. Аммо соҳа мутасаддилари юзага келган муаммоларни ечиш учун зиғирча ҳаракат қилмади, халққа тушунтириш бермади, тарғибот олиб бормади. “Нега рад қилинганини билмадим, бу муаммо сеники, менга нима” деган принципда иш олиб борилди. 1 кун ўтиб эса, рўйхатга олиш пуллик бўлади. Халқ яна пул тўлашни бошлайди…

Тўлайверади, тўлайверади, тўлайверади…

manba: sof.uz

3 372 Ko'rishlar

8
Leave a Reply

avatar
6 Fikrlar
2 Mavzuga javoblar
0 A'zolar
 
Ko'pgina javoblar
Eng yangi sharhlar
8 xabar muallifi
НасибжонUmidУгилойВоваSaidjon So'nggi sharh mualliflari
  Xabarlarga azo bo'lish  
eng yangi Oldingi eng ko'p ovoz berdi
Xabardor qiling
Komiljon
Mexmon
Komiljon

Xushnudbek dustim haq gap kekin uzbek halqini sogin sigirga uxshatishganiyam rost faqat suti qolmayapti oxiri suyib eb tugatishadi

Bek
Mexmon
Bek

Gap yo’q bor gappi gapiripsiz biz siz tomondamiz xalq uchun charchamang iloyim

Islom
Mexmon
Islom

Uzbekistonda puli bor odam uzi xoxlagandek qonun chiqarib oladigan va bu qonunni uziga biznes qilib oladigan zamon bulib qoldi

Saidjon
Mexmon
Saidjon

Man uydagilaga 2 simkartalik tel oldim erta indin yetip boradi bu qanaqa boladi endi

Вова
Mexmon
Вова

Конунлар хал учун хизмат килиш керак,Бизда эса аксинчаКани бирорта депутат туладими

Угилой
Mexmon
Угилой

Тугри телефоним иккита сим картали биринчисини ишлатаман иккинчисини умуман ишлатмайман. Нима булади

Umid
Mexmon
Umid

Bizni davlat faqat boylar uchun qayta shakllantirilyapti! Eski saxnada yangi raqqos va raqqosalar!!!

Насибжон
Mexmon
Насибжон

Хушнудбек ака туппа тугри гапларни атяпсиз Фикрингизга хамма кушилади шу имео кодлани урнига буладиган ишлани килиб интернет тезлигини ошириб хар ойга ортикча тулов 44600 сум тулан деса хаммага йокиб тушармиди!!!