Ўзбекистонда энг қиммат автомобиль рақами сотилди

6 май куни 50 777 ZZZ рақам белгиси аукционда 669 600 000 сўмга сотилди. 

Рақам авторақамлар онлайн аукционида жорий йилнинг 29 апрель куни савдога қўйилган. Унинг бошланғич нархи 135 миллион сўм бўлган.  

Рақамни 669 600 000 сўмга Наманган вилоятида яшовчи фуқаро сотиб олган. 

Ўзбекистон тарихида автомашина рақами учун тўланган рекорд сумма янгиланди. «50 777 ZZZ» давлат рақами Наманган вилоятида яшовчи фуқаро томонидан «Чиройли машина рақамлари» аукционида салкам 670 миллион сўмга сотилган.

Бошланғич баҳоси 135 миллион сўм дея баҳоланган автомобиль рақами кимошди савдоси давомида нархи 132 маротаба кўтарилиб, якунда 669 миллион 600 минг сўм эвазига сотилган. Бу Марказий банк томонидан 6 май учун белгиланган доллар курси (11 132,56 сўм) бўйича 60 минг доллардан ортиқни ташкил этади.

Маълумот учун, Ўзбекистонда 2022 йил январь–март ойларида онлайн аукционлар орқали 86,7 миллиард сўмлик 40 мингдан зиёд «чиройли» авторақамлар сотилган.

Рақамни 669 600 000 сўмга Наманган вилоятида яшовчи фуқаро сотиб олган. 

Эслатиб ўтамиз, ўтган йилнинг октябрь ойида Тошкентда электрон аукционда 01 О 001 OQ автомобиль рақами 498 миллион 150 минг сўмга сотилганди.

7 657 Ko'rishlar