Тошкентдан Москвага мунтазам авиақатновлар тикланaди

2021 йилнинг апрель ойидан бошлаб, ҳар шанба куни Тошкент — Москва — Тошкент йўналиши бўйича мунтазам авиақатновлар қайта жорий этилади. Бу ҳақда “Uzbekistan Airways” Матбуот хизмати маълум қилди.

Мазкур йўналиш бўйича учишни бошлаш учун Россияга келишдан аввал 3 календарь кунидан ошмаган ҳолда ПСР-тест (рус ёки инглиз тилида) ўтказиш талаб қилинади. Мазкур рейсга Ўзбекистон Республикасининг барча фуқаролари ва Россия Ҳукуматининг 16.03.2020 йилдан 635-п фармойиши асосида Россияга киришга чеклов қўйилмаган Ўзбекистонда доимий яшаш ҳуқуқига эга чет эл фуқаролари киритилиши мумкин.

Тушунмовчиликларнинг олдини олиш учун чипталарни тезлаштириб харид қилиш хизматларини таклиф қилувчи шубҳали шахсларга мурожаат этмаслигингизни сўраймиз. Чиптада кўрсатилган ва сиз тўлаган нархни таққослашингизни қаттиқ тавсия этамиз. Авиачипта авиакомпаниянинг расмий сайтида харид қилинса, 3% чегирма амал қилади!

4 609 Ko'rishlar